OUR STORY
香氣唔會解決你所有問題，
但可以幫你停低一陣。
森息 SUMSIK 由一班瞓得唔好嘅人開始。我哋試過數綿羊、試過戒咖啡、試過強迫自己早啲上床， 最後發現最有效嘅唔係方法，而係一個訊號 —— 一個話畀個腦聽「今日夠喇」嘅訊號。 對我哋嚟講，嗰個訊號就係香氣。
「森」係我哋想返去嘅地方：樹蔭、濕泥、雨後嘅空氣。「息」係呼吸，亦係休息。 兩個字擺埋一齊，就係品牌想做嘅事 —— 喺一個唔停得低嘅城市，幫你搵返一口深呼吸。 由 2021 年喺深水埗一間細工作室開始，我哋每一支配方都係細批調製，先自己用夠一個月， 覺得真係幫到手先出街。
只用單方純精油
每支配方由 100% 單方純精油調成，唔加人工香精、唔加定香劑。開瓶聞到嘅係植物本身。
由狀態出發
我哋唔以香調分類，而係以「你而家點」分類：瞓唔著、頂唔順、要專心、想抖返。
小批次調配
每批少量調製，確保香氣新鮮。瓶身標明批次同建議使用期。